Mei Ieit... Marwei iaphi ngi ieh, Shala ki kam ban leit ngi kyrkieh; Khana ia ngi phi iathuh ynda ngi wanphai, Tang bad ngi phi kwah ban ia shongkai. Jingieit naphi ka dap ka shlei, Kyntien ym don ban ong 'Khublei'; Dieng sympat ne kyntien mai ym judon, Tang 'tien sneng 'tien kraw ba ngin puson. Haba ia ngi ki kmie ki kpa ki shoh, Tang sha phi ngi phai ba phin khroh; Bad phi haba ngi don mynsiem ka shngain, Na bynta jongngi phi dwai ba ngin long kiba khlain. Phraphew snem tam ia ngi phi pynheh pynsan, Khlem ki daw ia ngi phi ieh kynsan; Ka 'Lei Ing 'Lei Jingieit ia ngi ka la ieh rangli, Naei shuh ngin shem Mei Ieit kum maphi? Wat la ka por ka iaid bad ngi tip phi la suk, Jingeh bad jingbynnud ia mynsiem kam pynsuk; Tang jingdwai jingphirat i'u Blei Nongbuh Nongthaw, Ba ka ing kan dap da jingsuk bad iaphi shirta ba ngin iai kynmaw bad iai ieit.